توابيت سرابيوم ليست خاليه ولكنها مخازن كونية للطاقة من أكوان ذات أبعاد م...

قصيدة " الدنيا ... دنيا "
د. عبدالله البلتاجى
26/9/2018
**************
يا دنيا ... مالك كده
فارده قلوعك
وعلى الخلق دايسه
لا همك كبير .. ولا صغير
وعلى الكل قاسيه
فين عهدنا معاك
ولا أنت ناسيه 
***********
الدنيا دى أيه ؟!!!
فيها أيه نخاف عليه ؟!!!
أتألمنا؟!!!!!....ياما
ياما سعدنا....وأتألمنا ياما
حبينا؟!!!!!... ياما
ياما حبينا... واتحبينا... ياما
وشفنا الذل ياما
*************
سافرنا كتير؟!!!!... ياما
ياما سافرنا كتير ياما
ورحنا.. وجينا ياما
وفارقنا الحبايب .. ياما
انشغلنا كتير؟!!!...ياما
ياما انشغلنا كتير ياما
وصبرنا كتير ياما
**************
يادنيا
خدتى منا .. واديتى
حبيتى ؟!!!...قد ما حبيتى
وحنيتى؟!!!...قد ما حنيتى
وجنيتى قد ما جنيتى
فين أبويا؟!!!!...فين؟!ّ!
فين أختى؟!!!!...فين؟!!
فين مصطفى؟!!!...فين؟!!
خدتى...قد كل اللى أديتى!!!
***********
يا دنيا
فاضل أيه؟!!!
فاضل أيه نبكى عليه؟!!
فاضل أيه نبقى عليه؟!!
ونعيش فيكى .. ليه؟!!
فاضل ...الحلم
فاضل الأمل
فاضل العمل